Компанияда барлық филиалдардың басшылары мен салалық мамандарының қатысуымен өндірістік қауіпсіздік мәселелері бойынша қорытынды кеңес өтті. Кездесу барысында 2025 жылдың нәтижелері шығарылып, негізгі көрсеткіштер талданып, алдағы кезеңге арналған стратегиялық бағыттар айқындалды.

Кеңес барысында еңбекті қорғау, техника қауіпсіздігі және қоршаған ортаны қорғау саласындағы жұмыстардың нәтижелері жан-жақты қарастырылды. Қатысушылар өндірістік көрсеткіштердің динамикасын, жүзеге асырылған іс-шаралардың тиімділігін, филиалдардың үздік тәжірибелерін талқылап, тәуекелдерді басқару жүйесін одан әрі жетілдіру бағыттарын белгіледі.

Корпоративтік стандарттар мен алдын алу шараларын жүйелі түрде іске асыру қауіпсіз еңбек мәдениетін нығайтуға, тәртіп пен жауапкершілік деңгейін арттыруға және өндірістік процестердің тұрақтылығын қамтамасыз етуге мүмкіндік берді. Атқарылған жұмыс қауіпсіздік компания қызметінің басты басымдығы және тұрақты дамудың негізгі факторы екенін айқын көрсетеді.

Кәсіби шеберлік байқауының қорытындылары

Жыл қорытындысы бойынша еңбекті қорғау, техника қауіпсіздігі және қоршаған ортаны қорғау саласындағы байқау жеңімпаздарын марапаттау рәсімі өтті.

«ТҚ үздігі»:

I орын — Рустамбеков С.К., «ЦАПБ» филиалы «Жанатас» теміржол учаскесінің ЕҚ, ТҚ және БД инженері — 813 балл;

II орын — Өтеген Н.М., «Шиелі-Сұңқар» филиалының ЕҚ, ТҚ және БД инженері — 361 балл;

III орын — Есіркеп Н.Б., «Шиелі-Сұңқар» филиалының техникалық инспекторы / тиеу-түсіру учаскесінің бастығы — 302 балл.

«Қауіпсіз бөлімше»:

«Шиелі-Сұңқар» филиалының жол-пайдалану учаскесі — 39 балл;

«ЦАПБ» филиалы — 35 балл.

«ЕҚ, ТҚ және ҚОҚ саласындағы үздік қызметкер»:

I орын — Бораншиев К.М., «ЦАПБ» филиалының техникалық қадағалау инженері — 71 балл;

II орын — Тубекбаев А.М., «ЦАПБ» филиалы «Таукеент» а/к АРМ бастығы — 64 балл;

III орын — Әмірзаков Ә.М., «Шиелі-Сұңқар» филиалының жол-пайдалану учаскесінің шебері — 43 балл.

Байқау жеңімпаздары жоғары кәсібилік деңгейін, жеке жауапкершілікті және қауіпсіз еңбек жағдайларын қамтамасыз етуге қосқан елеулі үлесін көрсетті. Бұл нәтижелер олардың жүйелі әрі адал еңбегінің лайықты бағасы болып табылады.

2026 жылға арналған басымдықтар

2026 жылға өндірістік қауіпсіздік жүйесін одан әрі жетілдіру бойынша міндеттер айқындалды: алдын алу шараларын күшейту, нөлдік жарақаттану мәдениетін дамыту, ішкі бақылау тиімділігін арттыру және тәуекелдерді мониторингтеудің заманауи құралдарын енгізу.

Компания барлық филиалдарда қауіпсіз еңбек жағдайларын қамтамасыз ету және өндірістік тәртіпті нығайту бағытындағы жұмысты жүйелі түрде жалғастырады.