23 ақпан күні Таукент кентінің мәдени-спорт кешенінде «СКК» ЖШС «ОАТБ» жұмыскерлері арасында шағын футболдан кезекті турнир өтті. Аталған іс-шараның мақсаты жұмыскерлердің тұрақты уәждері мен өз денсаулығына ұқыпты қарауды қалыптастыру, салауатты өмір салтын насихаттау, құрылымдық бөлімшелер арасындағы өзара қарым-қатынасты құру және нығайту болып табылады.
Турнирдің ашылуы «СКК» ЖШС «ОАТБ» филиалының директоры Нұрғисаев Талғат Жупбайұлы қатысуымен өтті, сондай-ақ турнирдің құрметті қонақтары арасында Ақбергенова Ләззат Қадырбекқызы «СКК» ЖШС бас бухгалтерінің орынбасары, «СКК» ЖШС бастауыш кәсіподақ ұйымының төрағасы болды.
Турнирге төрт команда қатысты: «Таукент» Автошаруашылығы, «Қыземшек» Автошаруашылығы, «Созақ» Тасымалдау базасы, Темір жол учаскесі. Бұл турнир үшінші рет өтіп, «ОАТБ» құрылымдық бөлімшелерінің қызығушылықтарын жақындастыруға бағытталған. Сондай-ақ, жұмыскерлердің пікірі бойынша, іскерлік қатынастардан басқа осындай іс-шаралардағы қарапайым қарым-қатынастан ләззат алуға мүмкіндік береді.
Бұл жолы «Созақ» Тасымалдау базасы жарыстың иесі мен қабылдаушы тарап болды. Турнир қатысушылары әр тайм 12 минуттан ойнады және жұмыскерлердің жас ерекшеліктеріне қарамастан ойын жоғары қарқынмен және үлкен құмарлықпен өтті. Ешкім жеңілгісі келмеді. Турнирге қатысушылары арасында жүлделі орындарға ие болу үшін табандылық танытып күресті. Әділ күресте «Созақ» Тасымалдау базасының командасы жеңіске жетті, екінші орынды «Қыземшек» Автошаруашылығы командасы иеленді, үшінші орынды теміржол учаскесінің футболшылары иеленді. Сондай - ақ, «Үздік ойыншы» номинациялары бойынша үздік футболшылар атап өтілді: «Үздік ойыншы» - Жаңатас қ. ТЖУ машинисінің көмекшісі Тоқсанбаев Асқар, «үздік бомбардир» - ТБ СРҚ құйып-төгуші Дүйсенбай Нұрбек «Созақ» , «Үздік қақпашы» - «Қыземшек» Автошаруашылығының АЖШ шебері Мирзам Жалғас, «Үздік қорғаушы» - ТЖУ жол монтері Айтжан Мұхтар. Барлық қатысушылар медальдармен, ал жеңімпаздар медальдармен, алғыс хаттармен және ақшалай сыйлықтармен марапатталды.
Ойыншылардың әрқайсысы өздерінің , күш-жігерін және құлшынысын салып, өз шеберліктерін көрсетті. Турнир бұрынғыдай достық жағдайда өтті.Біздің жұмыскерлер-кент жастары үшін лайықты үлгі, өйткені олар салауатты өмір салтын ұстанып футболмен жоғары деңгейде айналысуда.
Шағын-футбол бойынша жарыс қорытындысы бойынша барлық ойыншылар мен жанкүйерлер әдемі және қызу тартыстан үлкен рахат алды. Қорытынды жасай отырып, келесіні айтқым келеді: футболға келіңдер, өз командаларына жанкүйер болыңдар, жастардың спорттық жігерлігімен құаттаныңдар!
Алпысбаева Акмарал
«СКК» ЖШС «ОАТБ» филиалының әлеуметтік мәселелер бойынша маманы