Көктемнің ең басты мерекесі – «Наурыз» мейрамы «Сауда-көлік компаниясы» ЖШС «Орталықтандырылған автотасымалдау базасы» филиалында 20 наурыз күні аталып өтіп, оған орай үлкен мерекелік дастархан ұйымдастырылды. Мерекелік дастархан   басында «Наурыз көже» ұлттық тағамы басты дәм болды.

«Наурыз мейрамын» ашу «СКК» ЖШС «ОАТБ» филиалының директоры Нургисаев Талғат Жупбайұлы сөздерінен басталды, сондай-ақ мерекенің құрметті қонақтарының арасында «СКК» ЖШС Өндіріс жөніндегі Бас директорының орынбасары Мухиденов Эрик Зейнуллович, АӨҚСКО  төрағасы Мадиев К.Б., сондай-ақ бас бухгалтердің орынбасары Акбергенова Л.К. болды. «СКК» ЖШС басшылығы  ұжымға осы керемет мереке күнімен, көктемгі күн мен түннің теңелу мейрамымен  мерекелік құттықтаулар айтылып, Наурыз мейрамы әрбір үйге бейбітшілік, амандық, бақыт және жақсылық әкелуін тіледі.

«Наурыз мейрамына» арналған мәдени-көпшілік іс-шаралар Қазақстанның барлық қалаларында, оның ішінде Таукент кентінде өтті. Басты мерекелік іс-шара 21 наурыз күні Таукент кентінің алаңында өтті. Жаңа жылдың басталуын атап өту үшін ауылдың мыңдаған тұрғыны жиналды. Таңертеннен бастап әр тілде музыка мен әндер естіліп, әдемі киімдегі қыздар би билеп, қазақтың халық әндері шырқалды. «Наурыз мейрамын» мерекелеу аясында кент тұрғындары мен қонақтары үшін алаңда концерттік бағдарлама, спорттық жарыстар, ұлттық ойындар ұсынылды. Мерекенің ашылуы Таукент кенті әкімінің құттықтауымен басталды.Басты  алаңда дастархан жайған  атом өнеркәсібінің түрлі ұйымдарынан көптеген киіз үйлер орнатылды, ал жанында сауда алаңдары ашылды. «Киіз үй» иелері «Наурыз көже», шай және ыстық бауырсақтармен дәм татқызып сондай-ақ, қала тұрғындары үшін «Наурыз көже» және бауырсақтар тегін таратылды.

«Сауда-көлік компаниясы» ЖШС «Орталықтандырылған автотасымалдау базасы» филиалы дәстүр бойынша мереке күні бас алаңға «ОАТБ» киіз үйін орнатты. Кез-келген үлкен мереке сияқты, Наурыз мерекесіне кең дастархан жайылды. Кент тұрғындары мен «ОАТБ»  жұмыскерлері  балалармен келіп, киіз үйге кіріп, мерекелік дастарханның тағамдарынан  дәм татты. «ОАТБ»  филиалының «Таукент» автошаруашылығы басқа да ұйымдардың  киіз үйлері арасында «Үздік киіз үй» номинациясы бойынша  2-орынға ие болды.

Жыл сайын «Наурыз мейрамы»  «ОАТБ» жұмыскерлері  үшін ауқымды және маңызды болып келеді. Бұл «Атом өнеркәсібі қызметкерлерінің салалық кәсіптік одағы» ҚБ қолдауымен «ОАТБ» ұйымшыл ұжымының және «Сауда-көлік компаниясы» ЖШС басшылығының үлкен еңбегі.

дайындаған:

«СКК»  ЖШС «ОАТБ» филиалының

әлеуметтік мәселелер жөніндегі маманы

Алпысбаева Ақмарал