Функционалдық міндеттері: «KAP Logistics» ЖШС (бұдан әрі – Серіктестік) Жарғысына, «ҚазАтомӨнеркәсіп» ҰАК» АҚ (бұдан әрі – Қоғам) ұзақ мерзімді даму стратегиясына және Серіктестікті дамыту бағдарламасына сәйкес Серіктестіктің өндірістік саясатын және даму бағыттарын, қолданыстағы өндірісті қайта құру және техникалық қайта жарақтандыру жолдарын, қолданыстағы жабдықтар мен техникаларды жаңғырту және біріздендіруді айқындайды, ресурстарды ұтымды пайдалану, шығындарды азайту, өндірістегі қауіпсіздікті қамтамасыз ету, тұрақты жақсартуларды, инновациялық тәсілдерді енгізу, өндірістік көрсеткіштерге қол жеткізу және өсу, өндірілген жұмыстар мен қызметтердің жоғары сапасы мен бәсекеге қабілеттілігі үшін тәуекелдерді басқару арқылы Серіктестіктің өндірістік бағдарламасының орындалуына жауапты болады.

Білімі: «Тұран» университеті «Құқықтану» мамандығы бойынша (2002 жыл), Алматы қ.

Еңбек жолы: Еңбек жолын 2002 жылы «Канар» ЖШС-де менеджер лауазымында бастаған, 2003 жылдан 2005 жылға дейін «Nur Trans» ЖШС директоры болып жұмыс істеген.

«KAP Logistics» ЖШС-де 2007 жылдың тамызынан 2023 жылдың қыркүйегіне дейін материалдық-техникалық қамтамасыз ету департаментінің жетекші маманы, өндірістік-техникалық басқарманың бас маманы, өндірістік қамтамасыз ету департаментінің көлік логистикасы бөлімінің бастығы, «Казатомсервис» филиалының директоры, өндірістік-техникалық басқарманың бастығы сияқты лауазымдарда жұмыс істеген.

Нұрбеков Т.С. бейінді салада – «ҚазАтомӨнеркәсіп» ҰАК» АҚ компаниялар тобындағы көлік және логистика саласында 10 жылдан астам жұмыс тәжірибесі бар. Басшылық лауазымдарда 10 жылдан астам жұмыс тәжірибесі бар.

«KAP Logistics» ЖШС Байқау кеңесінің 2024 жылғы 21 маусымдағы №7-24 шешімімен «KAP Logistics» ЖШС өндіріс жөніндегі Бас директордың орынбасары болып тағайындалды.