2017 жылғы 21 тамызда Астана қаласында «Қазатомөнеркәсіп» ҰАК» АҚ-тың XVII Спартакиадасы басталды. Жыл сайынғы спорт додасының ашылу салтанатында «Қазатомөнеркәсіп» ҰАК» АҚ Басқарма төрағасы Асқар Жұмағалиев қатысушыларды спорт сайысының басталуымен құттықтады. «Спорттық жігер – бізді салауатты өмір салтын ұстанып, спортта да еңбекте де жаңа жетістіктерге, жеңістерге жетелейтін компаниямыздың мінез-құлқы. «Самұрық-Қазына» Қорының Спартакиадасында алдымызға жан салмай, екі жыл қатарынан чемпион атануымыз соған бірден бір дәлел. Биылғы спорт додасы да компаниямыздың спортшыларының кезекті жарқын жеңістеріне негіз болсын деген ниеттемін. Спартакиаданың барлық қатысушыларына тек сәттілік, құштарлық және жарқын әсерлер тілеймін. Ең мықты дегендер топ жарып, алтыннан алқа тақсын!», -деп атап өтті Асқар Жұмағалиев.
Дәстүрлі спорт шарасында барлық аймақтар мен қалалардан келген атом саласының қызметкерлері күш сынасады. Спорттық сайыстар Астана қаласының әр-түрлі спорт кешендерінде өткізілді. 21 мен 25 тамыз аралығында, бес күн ішінде атомшылардың 20 командасы, ал бұл 800-ден астам адам мини-футбол, волейбол, баскетбол,үстел теннисі, бадминтон, шахмат, жеңіл атлетика бойынша додаға түсті. Сонымен қоса, биылғы спорттық сайыстар бағдарламасына жаңа спорт түрі - армрестлинг қосылды.
Спартакиада бүгінде 26 мыңнан астам адам еңбек ететін «Қазатомөнеркәсіп» ҰАК» АҚ-ның маңызды корпоративті іс-шарасы ретінде өткізіліп тұрады. Спорт сайыстары Қазатомөнеркәсіп қызметкерлерінің салауатты да белсенді өмір салтын ұстанатындықтарын көрсетумен қатар, орналасқан жері мен атқаратын қызметіне қарамастан кәсіпорын қызметкерлері арасындағы өзара достық қарым-қатынасты қалыптастыруға және корпоративті мәдениетті нығайтуға қызмет ететін болады.
«Қазатомөнеркәсіп» ҰАК» АҚ Спартакиадасында «Б» тобындағы, 8 спорт түрлеріне «Сауда-көлік компаниясы» ЖШС-нің спортсшылары қатысты. Олар додаға өте мұқият дайындалғандығын дәлелдеді. Барлық командалар спорттық дайындықтары жоғарғы деңгейде екендігін көрсетті.
2017 жылғы 26 тамыздағы «Қазатомөнеркәсіп» ҰАК» АҚ-тың XVII Спартакиадасы аяқталды. Жабылу салтанатында «Қазатомөнеркәсіп» ҰАК» АҚ-тың бизнесті қамтамасыз ету жөніндегі бас директор Қайрат Әбсаттаров қатысушылар мен жанкүйерлерді компанияның бас спорттық іс-шараның сәтті аяқталуынмен құттықтады. Салатанатты жабылуда жеңімпаздар мен жүлдегерлер марапатталды. «Б» тобындағы жалпы командалық есепте «Сауда-көлік компаниясы» ЖШС командасы IV-орынға иеленді. Олардың ішінен жеңіл атлетика бойынша командасы ІІ-орын, бадминтон бойынша команда І-орынға иеленді. Бұл күн баршамызға өте маңызды күн. Біз өз спортшыларымызды мақтан тұтамыз!
«СКК» ЖШС «ОАТБ» филиалының
ҚЖБ жетекші маманы
Орманова Ұлдана